Emmr gibbds ebbas zom G'schooba

Däar Mensch ischd ond bleibd a Oogadiar
Ond äar muaß emmr reechd viel gugga,
Ob äar ebbas mit seinr oigna Manier
Aufspiara kaa – dees send hald sei Mugga!

Dia meischde Leid, dia guggad hald,
Ob's nedd widdr ebbas Neis gibbd,
A nuis G'rät oddr neie Glamodda hald,
Weil dr Mensch ja dees Neie oo liabd.

Doch je mäar alle ALLES koffa,
Viele em Netz ihre Wara ordra,
Desdo wenger kennad d'Händler hoffa,
Dass d'Kunda no ebbas voor Ort afordra.

D'Städt bluadad aus ond ire Innastädt
Send noch ond noch emmer mear verwaist.
Do gibbd's nix, wo ma no a Freidle hädd,
Kaum oinr mea end Kreisstadt herreist...


©Hans Hartmut Karg
2023

*