Alle send ganga

©Hans Hartmut Karg
2017

Ganga honds alle miasa,
Koinr hod se irgendwia g'frogd.
Dia Bloama muas ma iatz giasa,
Dass d'Hids sia ned verbrennd, verbrod.

Mädla, Buaba, neigierig warads,
Ens Läba hond alle neigschobd.
Koinr war bleed odr narrad,
Jedr hod an da Herrgodd globd.

Heid ligas alle em Friedhoof,
Dia amol beim Feira wara
Ond mid iare Liab aufm Hof
S'Läba gläbbd ? one zom Spara.

Dia Zeid hod alle verschluggd,
Nix isch mea von eane blieba.
Wäar heid ens Albom neiguggd,
Dear siggd: Dia send längschd verschieda.

*