D's Oaschdrschdiggle

©Hans Hartmut Karg
2016

Friar wara'd Baura arm,
Ässad alles aus'm Darm.
Doch sia hond scho Ässa g'habd,
Des hod koinr Seela g'schad.

An Oaschdra hod ma des dann g'essa,
Weil ma a weng heidnisch isch g'wäsa:
Des Oaschdrschdiggle war Goddsgedenga
Guad greichert, ned ans Fedd zoam denga.

Dean Schenga do en'd Hefebroddoig
Hod d'Fro, em Ofa bagga, ohne Loid.
An Oschdra g'essa ohne Noad,
Denn ohne Essa isch d'r Doad.

Ma hold ean aus d'r Ofagluad
Ond er schmeggd himmlisch ond so guad,
Dass ma dann glei ond ohne Noad
A zwoids Floisch issd ? ganz ohne Broad.

No heid deng i beim Oaschdrschdiggle,
Wo i mei Ahna kann zuanigga,
Dia guade, längschd verflossne Ahna,
Dia mi no heid an sia gemahna.

*