D´r Lausbua

©Hans Hartmut Karg
2015

G´schbässeg isch´r, dear Lausbua,
Emmer hodr was zoam Spenna,
Fiard se auf, wia a tolla Kua,
Dia miar von d´r Tollwuad kenna.

Wenn Du ?hia? sagsch, sagdr ?hod?,
Fiard d'Leid an dr Nas rom,
Dreibt zoar Weißgluad mit seim Spodd,
Machd dia grad Leid alle gromm.

Seine Eldra send verzweifld,
Froga, was dear Bua ka weara.
Ear verdräd dia ganza Weld,
Dass d'Leid miasa sich beschwäara.

Weil's ned wissa, was zo doa,
Frogad se an alda Läarer,
Dear mit eam als Keed zo doa
Ond eam do sei Lernvermeerer.

?Iar wissad ned, was ear ka wäara??
Sagd eane dann dear guade Ma,
?Däar muas oiner Bardei a'ghäara,
Weil er so g'schbässeg reda ka.

Schiaggad ean doch end Bolidig,
Do ischr guad aufg'hoba.
Dofiar hod äar sei Waffelg'schigg
Ond kommd ganz weid nach oba.?

*