Kiachla
(Schwäbische Spezialität:
Hefekissen und Hefeküchlein)

©Hans Hartmut Karg
2015

Dia kämpfad mit de Gnia, dia Deppa,
Ond send am End danäba,
Denn Kiachla muaß ma macha
Ond schnell em fedd rausbacha,

Weil Hongar hom dia Jonge
Ond läbat mit dera Zonge
Bei Schmalz ond Hefeecka ?
Koi Mensch muaß do verrecka!

Kiachla essad Mädla ond Biabla
Ond alle, dia send onsre Liabla,
Dean herrlicha Hefedoig
Ond alles, was onser Zoig,

Damit des Läba leichdr
Dean Gauma macht offa ond feichdr
Mit honderde liabe Gschmäckr
In d`Heisr ? ond auf de Äckr.

Ihr Menscha, schreibad en Eire Biachla,
Dass ihr mit onsere Kiachla
Zom Himml dädat heilig schnappa,
Weil bei uns ma herrlich duad bacha.

Dia Kiachla helfad ons läba,
Weil sia deam Maga gäba,
Was Liab´ ond Läba verlanga,
Dann miased miar no net ganga.

Mir läba en schlimme Zeida
Ond kenna ons manchmol ned freie,
Doch mit de Kiachla em Maga
Miasad mir nemme verzaga.

*